शर्मा एण्ड कम्पनी तथा संजीवनी ग्रुपद्वारा बाढी प्रभावितलाई रु. १ करोड ५१ लाख सहयोग

भदौ १६, काठमाडौँ  । बाढीबाट प्रभावितहरुको उद्धार, राहत तथा पुनःस्थापनाका लागि मुलुककै प्रतिष्ठित निर्माण कम्पनी शर्मा एण्ड कम्पनी तथा संजीवनी ग्रुपको तर्फबाट रु. १ करोड ५१ लाख उपलब्ध गराइएको छ । अर्थ मन्त्रालयमा मंगलवार शर्मा एण्ड कम्पनीका अध्यक्ष रमेश शर्मा, संचालक सौरभ शर्मा एवं संजीवनी ग्रुपका संचालक राजु बस्नेत क्षेत्रीले अर्थमन्त्री स्वर्णिम वाग्ले समक्ष सहयोग रकम हस्तान्तरण गरेका हुन् । बाढीका कारण रसुवा, नुवाकोट, धादिङ, गोरखा लगायत जिल्लाका तटीय क्षेत्रमा ठूलो जनधनको क्षति भएकाले  प्रभावित सर्वसाधारणको तत्काल उद्धार, राहत तथा पुनःस्थापनाका लागि शर्मा एण्ड कम्पनी र संजीवनी ग्रुपको तर्फबाट सहयोग रकम प्रदान गरिएको हो । शर्मा एण्ड कम्पनी र संजीवनी ग्रुपले बाढीका कारण शोकसन्तप्त परिवारप्रति समवेदना प्रकट गर्दै विपद्बाट प्रभावित व्यक्ति र समुदायप्रति सहानुभूति व्यक्त गरी उनीहरूको उद्धार एवं पुर्नस्थापनालाई उच्च प्राथमिकतामा राख्न सरकार समक्ष आग्रह पनि गरेको छ ।