प्रधानमन्त्री प्रचण्डविरुद्धको रिटमा आज सुनुवाइ हुने 

काठमाडौँ - प्रधानमन्त्री पुष्पकमल दाहाल ‘प्रचण्ड’ विरुद्धको फौजदारी रिटमा सर्वोच्च अदालतमा शुक्रबार सुनुवाइ हुने सम्भावना छ ।
बिहीबार न्यायाधीश विश्वम्भर प्रसाद श्रेष्ठको ईजलाशमा पेशी तोकेर पनि हेर्न नभ्याउने भन्दै स्थगित गरिएको रिटको पेशी शुक्रबार पुनः तोकिने छ ।

प्रचण्डविरुद्ध रामेछापका ज्ञानेन्द्रराज आरणसहित २९ जनाले द्वन्द्वकालमा भएका व्यक्ति हत्यामा जिम्मेवार रहेको भन्दै सर्वोच्चमा मुद्दा दायर गरेका छन् । प्रचण्डले २०७६ साल माघ १ गते काठमाडौंको टुँडिखेलमा आयोजित माघी महोत्सवमा द्वन्द्वकालमा हत्या गरिएका पाँच हजार जनाको जिम्मेवारी आफूले लिने बताएका थिए ।