images

दोस्रो कान्साई नेपाल फेस्टिभल २०२७ को औपचारिक घोषणा सभा डिसेम्बर ३ मा हुने

ओसाका, जापान। जापानको कान्साई क्षेत्रमा नेपाली कला, संस्कृति, भाषा, भेषभूषा तथा मौलिक परम्पराको संरक्षण र प्रवर्द्धन गर्ने उद्देश्यसहित आयोजना हुन लागेको दोस्रो कान्साई नेपाल फेस्टिभल २०२७ को औपचारिक घोषणा सभा आगामी डिसेम्बर ३ तारिखमा हुने भएको छ। कान्साई क्षेत्रमा रहेका नेपाली समुदायबीच आपसी एकता, सद्भाव र भाइचारा अभिवृद्धि गर्नुका साथै नेपालको मौलिक पहिचानलाई जापानी समुदायमाझ समेत परिचित गराउने लक्ष्यका साथ फेस्टिभल आयोजना गर्न लागिएको हो।

फेस्टिभलको तयारी तथा आगामी कार्यक्रमबारे जानकारी गराउने उद्देश्यले आयोजना गर्न लागिएको घोषणा सभा डिसेम्बर ३, बिहीबार साँझ ५:३० बजेदेखि आबेनो लर्निङ सेन्टर (Abeno Learning Center) मा सञ्चालन हुनेछ। ओसाकास्थित आबेनो लर्निङ सेन्टरको तेस्रो तलामा आयोजना हुने उक्त सभामा कान्साई क्षेत्रमा क्रियाशील नेपाली संघसंस्था, सामाजिक अभियन्ता, व्यवसायी, पत्रकार, बुद्धिजीवी तथा नेपाली समुदायका प्रतिनिधिहरूको सहभागिता रहने अपेक्षा गरिएको छ। दोस्रो कान्साई नेपाल फेस्टिभल २०२७ लाई भव्य र सफल बनाउन सबै नेपाली समुदायको साथ, सहयोग र सहभागिता महत्वपूर्ण रहने आयोजकले विश्वास लिएको छ।

सोमबार १ मंसिर २०८३ ११:०५ AM मा प्रकाशित

प्रतिक्रिया