प्रशासन बाजुराको आग्रहपछि घरेलु २६ थान हातहतियार बुझाइए

बाजुरा । जिल्ला प्रशासन कार्यालय बाजुराको निर्देशनपछि २६ थान हातहतियार तथा खरखजनाहरु प्रशासनलाई स्थानीयले बुझाएका छन् ।आगामी फागुन २१ गते हुने निर्वाचनलाई निष्पक्ष, भयरहीत र शान्तिपूर्ण वातावरणमा सम्पन्न गर्न जिल्लामा माघ १५ गतेभित्र हातहतियार बुझाउन निर्देशन दिइएको थियो ।स्थानीयले हालसम्म २६ थान हातहतियार बुझाएको प्रमुख जिल्ला अधिकारी डोरेन्द्र निरौलाले जानकारी दिए । तोकिएको समयभित्र प्रहरी कार्यालय तथा प्रशासनमा जिल्ला भरबाट घरेलू २६ थान हातहतियार बुझाएको बताएका छन् ।जिल्ला प्रशासन कार्यालय बाजुराले २०८२ पुस २९ गते सार्वजनिक सूचना जारी गर्दै आगामी निर्वाचन लक्षित जिल्लाभित्र ईजाजत प्राप्त गरेका वा नगरी व्यक्तिगत रुपमा राखेका हातहतियार १५ दिनभित्र बुझाउन आग्रह गरेको थियो ।