बालेनको अर्को महत्वपूर्ण निर्णय : व्यवसायिक भवनले पार्किङ्ग शुल्क लिन नपाउने

काठमाडौँ - काठमाडौं महानगरपालिकाका मेयर बालेन साहले अर्को महत्वपूर्ण निर्णय गरेका छन् । जसको अहिले सबैले प्रशंसा गरिरहेका छन् ।
महानगरभित्रका व्यवसायिक भवनहरु निजी मार्ट, रेष्टुरेन्ट, सपिङ् कम्प्लेक्स, मल अस्पताललगायतले सेवाग्राहीसँग पार्किङ्ग शुल्क लिन नपाउने भएका हुन् ।

महानगरपालिकाको आर्थिक ऐन २०८० ले यस्तो व्यवस्था गरेको हो । बहुतले आवासीय वा व्यावसायिक भवनहरुमा रहेकारभएका व्यवसाय र सेवा प्रदायकलाई सम्बद्ध सेवाग्राहीसँग सवारी साधन पार्किङ्ग वापतको शुल्क संकलन गर्न निषेध गरिएको छ । सेवाग्राही वाहेक अन्यसँग मात्र पार्किङ्ग शुल्क लिन सकिनेछ ।

व्यावसायिक रुपमा सवारी साधन पार्किङ्ग प्रयोजनका लागि भवन निर्माण गरेमा भवन निर्माण सम्पन्न भएको मितिले पार्किङ्ग प्रयोजनका लागि प्रयोग हुने क्षेत्रको १० वर्षसम्म सम्पत्ति कर छुट हुनेछ व्यवस्था गरिएको छ ।