प्रतिनिधिसभा बैठक : सांसदहरुले उठाएको प्रश्नको जवाफ मन्त्रीहरुले दिने

काठमाडौँ - आज प्रतिनिधिसभा बैठक बस्दैछ। संघीय संसद भवन नयाँ वानेश्वरमा उक्त बैठक बस्न लागेको हो। बैठक बिहान ११ बजेवाट सुरु हुनेछ।

आजको बैठकमा विनियोजन विधेयक २०८० माथि उठेका प्रश्नको जवाफ सबन्धित मन्त्रीले दिने कार्यसूची रहेको छ। जसअनुसार आजको बैठकमा रक्षा, संघीय मामिला तथा सामान्य प्रशासन, संस्कृति, पर्यटन तथा नागरिक उड्डयन, स्वास्थ्य तथा जनसंख्या, परराष्ट्र, ऊर्जा, जलस्रोत तथा सिँचाइ, खानेपानी र श्रम, रोजगार तथा सामाजिक सुरक्षा मन्त्रालयको विनियोजन विधेयक २०८० अन्तर्गत विभिन्न शीर्षकहरूमा मन्त्रालयगत छलफलमा सांसदले उठाएका प्रश्नहरूको सम्बन्धित मन्त्रीले जवाफ दिने कार्यसूची रहेको छ।