दोलखा समाज जापान कान्साई क्षेत्रीय समितीको अधिवेशन सम्पन्न, अध्यक्षमा निर्मल श्रेष्ठ

ओसाका जापान। दोलखा समाज जापान कान्साई क्षेत्रीय समितीको प्रथम साधारण सभा तथा दोस्रो अधिवेशन सम्पन्न भएको छ। गैर आवासीय नेपाली संघ एनआरएन जापानका उपाध्यक्ष कृष्ण गैरेको प्रमुख आतिथ्यतामा जापानको ओसाकामा भएको हो ।

कार्यक्रमलाई सम्बोधन गर्दै उपाध्यक्ष गैरेले विदेशमा रहेका हरेक नेपालीलाई एनआरएनले सहयोग गरिरहेको बताउनु भयो । दोलखा समाजले पनि समस्यामा परेका नेपालीहलाई सहयोग गरिरहेकोमा खुसी व्यक्त गर्नु भयो ।

यसै गरि दोलखा समाजका केन्द्रिय अध्यक्ष रोशन थापाले दोलखा समाज कान्साई स्थापनाले त्यस क्षेत्रमा बसेका दोलखालीहरुका लागि एक ढिका बनाउने कार्य गरेको बताउनु भयो । समाजका सल्लाहकाहरु संजिव पाखरेल र प्रदिप खड्काले दोलखा समाजको बारेमा चर्चा गर्नू भएको थियो साथै एनआरएनए कान्साईका उप संयोजक भिम काउछाले शुभकामना मन्तव्य व्यक्त गर्नु भएको थियो ।

कार्यक्रकमको आर्थिक प्रतिवेदन कोषाध्यक्ष सविना बुढाथोकीले प्रस्तुत गर्नु भएको थियो । 

समाजका अध्यक्ष अन्जान कुमार बस्नेतको अध्यक्षतामा सम्पन्न भएको सो अधिवेशनले ११ सदस्य नयाँ कार्य समिति समेत चयन गरेको छ । अधिवेशनले २ वर्षे कार्यकालको लागि निर्मल श्रेष्ठको अध्यक्षतामा नयाँ कार्य समिति चयन गरेको हो ।

कार्य समितिको उपाध्यक्षमा सोम बस्नेत, सुदिप शिवाकोटी, सचिव रञ्जित कार्की, सहसचिव युवराज बस्नेत, कोषाध्यक्ष सविना बुढाथोकी सहकोषाध्यक्ष सम्झना बस्नेत र सदस्यहरुमा सरस्वती कार्की, केदार राउत, सपना थापा र मन्दिरा बस्नेत रहनु भएको छ ।

त्यसै गरि समाजको सल्लाहकार समितिको संयोजकमा अन्जान कुमार बस्नेत रहनु भएको छ भने सल्लाहकारमा मिलन बुढाथोकी, भीमसेन सुवेदी, सपना घिमिरे रहनु भएको छ भने संरक्षकहरु प्रदिप खड्का र रामचन्द्र गिरी सहितको कार्यसमिति चयन गरिएको हो  ।