images

नेपाल–जापान फेस्टिभल २०२६ को निमन्त्रणासहित जापानी राजदूत माएदाको कार्यवाहक मेयर डंगोलसँग भेटघाट

नेपाल–जापानबीचको मैत्रीपूर्ण सम्बन्ध, सांस्कृतिक आदानप्रदान तथा आपसी सहकार्यलाई थप प्रगाढ बनाउने उद्देश्यका साथ आयोजना हुन लागेको नेपाल–जापान फेस्टिभल २०२६ को निमन्त्रणा प्रदान गर्न नेपालका लागि जापानी राजदूत माएदा तोरूले काठमाडौं महानगरपालिकाकी कार्यवाहक मेयर सुनिता डंगोलसँग सौहार्दपूर्ण भेटघाट गर्नुभएको छ।

भेटका क्रममा राजदूत माएदाले फेस्टिभलमा सहभागिताका लागि कार्यवाहक मेयर डंगोललाई औपचारिक निमन्त्रणा प्रदान गर्नुभएको थियो। भेटघाटमा नेपाल र जापानबीचको ऐतिहासिक मित्रता, सांस्कृतिक सम्बन्ध तथा दुई देशका नागरिकबीचको आपसी सद्भाव र सम्बन्धलाई अझ मजबुत बनाउने विषयमा समेत छलफल भएको छ।

नेपाल–जापानबीचको सांस्कृतिक सम्बन्धलाई थप उचाइमा पुर्‍याउन यस्ता कार्यक्रमले महत्त्वपूर्ण भूमिका खेल्ने अपेक्षा गरिएको छ।

बुधबार ३ मंसिर २०८३ ११:०३ AM मा प्रकाशित

प्रतिक्रिया