images

अस्ट्रेलियाको संसद् भवनअगाडि गाई र घोडाको गोबर फालेर प्रदर्शन

अस्ट्रेलियाको राजधानी क्यानबेरास्थित संघीय संसद् भवनअगाडि जलवायु परिवर्तनसम्बन्धी सरकारी नीतिको विरोध गर्दै प्रदर्शनकारीहरूले गाई र घोडाको गोबर फालेका छन् ।

जलवायु अभियानमा सक्रिय राइजिङ टाइड समूहले ट्रकमा गोबर ल्याएर बेल्चाको सहायताले संसद् भवनको अगाडिको क्षेत्रमा फैलाउँदै विरोध प्रदर्शन गरेको हो ।

समूहले प्रधानमन्त्री एन्थोनी अल्बानिजी नेतृत्वको श्रम पार्टी सरकारले अवलम्बन गरेको जलवायु नीतिको आलोचना गर्दै त्यसलाई ‘बकवास’ भन्दै व्यंग्यात्मक विरोध जनाएको थियो ।

टर्कीमा संयुक्त राष्ट्रसंघको जलवायु सम्मेलन सम्पन्न हुने समयसँगै यो प्रदर्शन गरिएको हो । प्रदर्शनपछि आन्दोलनकारीहरूले आफैँले फैलाएको गोबर सफा गरेका थिए । घटनामा हालसम्म कसैलाई पनि पक्राउ नगरिएको जनाइएको छ ।

राइजिङ टाइड समूह अस्ट्रेलियामा जलवायु परिवर्तन नियन्त्रणका लागि सरकारलाई थप प्रभावकारी कदम चाल्न दबाब दिँदै आएको अभियानकर्मी समूह हो ।

शनिबार ६ मंसिर २०८३ ०१:४४ PM मा प्रकाशित

प्रतिक्रिया