बाग्मती प्रदेश निर्माण व्यवसायी महासंघले निर्माण सामाग्रीमा भएको मुल्यवृद्धि बिरुद्धमा प्रेस विज्ञप्ती जारी

नेपालको निर्माण कार्य हुने मुख्य सिजनमा र निर्माण व्यवसायीबाट निर्माण कार्य तीव्र गतिमा भइरहेको अवस्थामा सिमेन्ट उत्पादनसँग सम्बन्धित ईन्धन सहित कुनै पनि कच्चा पदार्थमा मुल्यबृद्धि नहुँदा पनि कालोबजारी एवं कार्टेलिङ गरी बिगत दुई महिनाको अवधिमा नै पटक पटक गरी सिमेन्टमा प्रतिबोरा रु.३००/–सम्म मुल्यबृद्धि हुँदा सरोकारवाला र सिमेन्ट उत्पादनहरुसंग छलफल पश्चात मुल्यवृद्धि खारेज गर्न सहमती भएपनि हालसम्म कार्यान्वयन नभएको यसको साथसाथै सिमेन्टको मुल्यवृद्धि खारेज गर्नुको सट्टा सिमेन्ट संगसंगै हाल निर्माण कार्यमा अत्याधिक प्रयोग हुने फलाम (डण्डी) र फलामजन्य निर्माण सामाग्री प्रति के.जी. रु.१४/–रुपैयासम्म मुल्यवृद्धि हुँदा भुक्तानी अभाव लगायतका कारणहरुबाट अत्यन्त सकसमा रहेको निर्माण उद्योग थप मारमा परेको यस बागमती प्रदेश निर्माण व्यवसायी महासंघले जनाएको छ । खुल्ला अर्थतन्त्रको नीति विपरित सिमेन्ट र फलामजन्य निर्माण सामाग्रीमा गरिएको यस किसिमको अस्वभाविक मुल्यवृद्धि हुनु निर्माण उद्योग माथि राज्यले निर्माण व्यवसायीलाई अपराधी जस्तो व्यवहार गरेको प्रदेश महासंघले भनाई छ र यस किसिमका मुल्यवृद्धिका कारण अन्ततः पूर्वाधार खर्च बढ्न गइ नेपाल सरकारको सार्वजनिक निकायहरुमा नै आर्थिक बोझ थपिने जानकारी हुँदाहुँदै राज्यबाट निर्माण सामाग्रीहरुमा मुल्यवृद्धि गराउने निकायहरुलाई कारबाही गर्नुको सट्टा सम्बन्धित निकायका मन्त्रीहरुले नै मुल्यवृद्धि गर्ने निकायको पक्षमा आवाज बुलन्ध पार्नु साटो  कतै मन्त्रीहरु नै कार्टेलिङ एवं कालोबजारीलाई प्रोत्साहन त गर्दै छैनन्, भन्ने शंका उत्पन्न भएको महासंघका महासचिवको विज्ञप्तीमा भनिएको छ । यस कार्यको बागमती प्रदेश निर्माण व्यवसायी महासंघ घोर भरत्सना, बिरोध र गम्भिर ध्यानाकर्षण गराउँदै नेपाल सरकार र सम्बन्धित सरोकारवालासंग निर्माण उद्योग, व्यवसायी र आम उपभोक्ताको विश्वास मै गम्भिर कुठाराघात भएको यस प्रदेश महासंघले ठहर गर्दै नेपाल सरकार र सरोकारवाला सबैको ध्यानाकर्षण गराएको छ । 
निर्माण कार्य गर्ने मुख्य समयमा निर्माण कार्य तीव्र गतिमा भैरहेको अवस्थामा सिमेन्ट र फलाम जन्य निर्माण सामाग्रीमा अत्याधिक मुल्यवृद्धि र कार्टेलिङ गरी उत्पादनमा समेत नियोजित तरिकाले कटौती गरेकोले निर्माण उद्योग संकट र धरासायी हुने मात्र हुदैन, वित्तिय संकटमा रहेको आम उपभोक्ता समेत थप मारमा पर्ने जनएको छ ।  अतः उक्त मुल्यबृद्धि अविलम्ब खारेज गरि कालोबजारी तथा कार्टेलिङमा संलग्न उद्योग व्यवसायीहरुलाई कारवाही गर्न, मुल्यवृद्धि तुरुन्त नियन्त्रण र रोकथाम गर्न साथै निर्माण व्यवसायीहरुका लागि शुन्य भन्सार दरमा सिमेन्ट, फलाम (डण्डी) र फलामजन्य निर्माण सामाग्रीको आयातको व्यवस्थाका लागि नेपाल सरकार र सम्बन्धित निकायहरुसँग माग गरेका छन् ।  यस किसिमको मुल्ययवृद्धि कालोबजारी एवं कार्टेलिङको विरुद्ध आवाज बुलन्द पानं, ससक्त विरोध गर्न, प्रतिवाद गर्न सम्पूर्ण निर्माण व्यवसायीहरु तथा आम उपभोक्ताहरुलाई समेत वाग्मती प्रदेश निर्माण व्यवसायी महासंघले प्रेस विज्ञप्ती मार्फत आव्हान  गरेको छ ।