नेसाज कान्साई क्षेत्रीय समितिको तेस्रो अधिवेशन सम्पन्न, टिकाराम डाँगीको अध्यक्षतामा नयाँ कार्य समिति गठन

ओसाका, जापान । नेपाली विद्यार्थी समाज जापान कान्साई क्षेत्रीय समितिको तेस्रो अधिवेशन ओसाकामा सम्पन्न भएको छ । एनआरएन कान्साईका संयोजक हरि प्रसाद कडेलको प्रमुख अतिथ्यतामा गत आइतबार ओसाकामा सम्पन्न भएको हो । जापानमा रहेका नेपाली विधार्थीको साथ र सहयोगको लागि स्थापना भएको समाज जापानमा अध्ययनरत नेपाली विधार्थीको लागि काम गर्दै आएको छ ।

उदघाटन कार्यक्रममा बोल्दै एनआरएनए जापानका विशेष समिति सदस्य नरेन्द्र बस्नेत दिनेशले जापानमा अध्ययनमा रहेका नेपाली विधार्थीका विविध समस्य र त्यसका उपाय बारे चर्चा गर्नू भएको थियो ।

त्यस्तै नेसाजका पूर्व कोषाध्यक्ष विकास अधिकारी, पूर्व अध्यक्ष तेज गुरुङ,  पूर्व अध्यक्ष एवं संरक्षक कृष्ण भुषाल, कोबे युनिभर्सिटीका प्राध्यापक डाक्टर भरत नेगी, प्रमुख अतिथी हरि प्रसाद कडेलले नेपाली विधाथीहरुको बारेमा आफनो धारण राख्नु भएको थियो ।

अधिवेशनले आगामी कार्यकालको लागि टिकाराम डाँगीको अध्यक्षतामा कान्साई क्षेत्रीय समितिको लागि नयाँ कार्य समिती गठन गरेको छ । उपाध्यक्ष अमृता चौधरी, सचिवमा दिपक भट्टराई,  कोषाध्यक्ष होमानाथ न्यौपाने, सहसचिव अशोक दास नेपाली र सदस्यहरुमा शुदेश खत्री, ओयलसन थापा, पूनम गौतम, निकीता नेपाली समन नेपाली, प्रदिप ओली, सृजना पौडेल, खेमराज कामी, शुशिला पाण्डे र यमुना रोक्का रहनु भएको छ । अधिवेशन सागर बिकको अध्यक्षतामा भएको थियो भने कार्यक्रमको सहजिकरण भिम भुषालले गर्नु भएको थियो।