दोलखा समाज जापानको पाँचौ अधिवेशन सम्पन्न, अध्यक्षतामा संजिव पोखरेल सर्वसम्मत चयन 

टोकियो, जापान । दोलखा समाज जापानको पाँचौ अधिवेशन सम्पन्न भएको छ । जापानका लागि नेपाली राजदुत डाक्टर दुर्गा बहादुर सुवेदीको प्रमुख अतिथ्यता तथा समाजका अध्यक्ष रोशन थापाको अध्यक्षतामा टोकियोमा सम्पन्न भएको हो । कार्यक्रमको उद्घाटन सत्रमा बोल्दै राजदुत सुवेदीले दोलखा समाजले जापानमा गरेको कार्यहरुको खुलेर प्रशंशा गर्नु भएको थियो । दुतावासले नेपाली समुदयका लागि अहोरात्र खटेर काम गरिरहेको पनि जानकारी दिनु भयो ।

नेपाली समुदायले विदेशको जुनसुकै ठाँउमा रहे पनि आफ्नो संस्कार संस्कृती संरक्षणका लागि एकजुट भएर लाग्नु पर्ने पनि बताउनु भयो । 
कार्यक्रमा बोल्दै गैर आवासिय नेपाली संघ एनआरएनए जापानका उपाध्यक्ष सिदार्थ श्रेष्ठले भने दुताबासले प्रवाह गरेको सेवाका विषयमा गुनासो व्यक्त गर्नु भएको थियो भने अन्य वक्ताहरुले समाजले गरेको कार्यहरुको चर्चा गर्नु भएको थियो । 

अधिवेशनको अवसरमा समाजले जापानमा रहेर विभिन्न क्षेत्रमा योगदान दिएको भन्दै जापानमा रहेका दोलखालीहरुलाई सम्मान गरेको थियो सम्मानि हुनेमा पत्रकार रामचन्द्र गिरी, सामाजिक अभियान्ता दिपेश खरेल, कलाकारहरु माधव खड्का, शर्मिला तामाङ, कान्साई क्षेतीय समितिका निवर्तमान अध्यक्ष अन्जान कुमार बस्नेत, क्युसु क्षेत्रीय समितिका अध्यक्ष  भुवन  कुमार घिमिरे, पुर्व अध्यक्ष महेश खडका तथा समाजका संस्थापक अध्यक्ष एंव संरक्षक नवराज थापालाई सम्मान गरेको हो । सोहि अवसरमा समाजको आजिवन सदस्यता लिने समाजका निवर्तमान अध्यक्ष रोशन थापा, सल्लाहकार लोकराज चौलागाई, गिर बहादुर तामाङ, गोबिन्द खड्क, सन्जिव पोखरेल , पुर्व अध्यक्ष महेश खडका तथा समाजका संस्थापक अध्यक्ष एंव संरक्षक नवराज थापालाई प्रमाण पत्र प्रदान गरेको थियो । 
अधिवेशनले संजिव पोखरेलको अध्यक्षतामा नयाँ कार्य समिति समेत चयन गरेको छ । 

टोकियोमा भएको पाँचौं महाधिवेशनले पोखरेलको अध्यक्षतमा नयाँ कार्यसमिति सर्वसम्मत चयन गरेको हो। समाजको वरिष्ठ उपाध्यक्षमा महेन्द्र राउत र उपाध्यक्षहरूमा श्री खड्का, नारायण खड्का, मनोज श्रेष्ठ र अन्जन बस्नेत चयन भएको निर्वाचन कमिटिले जनाएको छ।  त्यसैगरि समाजको महासचिवमा अनुप खड्का, सचिवहरुमा तिलराज खतिवडा, सिर्जना थापा, शिव ओली र कोषाध्यक्षमा गोपी कार्की चयन भएका छन् । 

समाजको सदस्यहरुमा गोपीनी आचार्य, दर्पण खड्का, सुवास पोखरेल, नवराज खड्का, सन्तोष खड्का, दिपेन्द्र कार्की, अर्जुन खड्का, अशोक पोखरेल, सुनिल खड्का र रमेश लामा रहेका अधिवेशनको निर्वाचन संयोजक गिर बहादूर तामाङले जानकारी दिनु भयो । महाधिवेशनमा समाजको प्रगति प्रतिवेदन महासचिव नारायण खड्का, आर्थिक प्रतिवेदन समाजका कोषाध्यक्ष मनोज श्रेष्ठले सार्वजनिक गर्नु भएको प्रतिवेदन उपर छलफल र सुझाव सहित अनुमोदन गरिएको थियो ।