आप्रवासीहरुको समस्या सामाधनमा स्थानीय तहको अग्रसरता आवश्यक ः श्रममन्त्री राय

जनकपुर । मधेश प्रदेशका श्रममन्त्री कौशलकिशोर रायले आप्रवासीहरूले भोग्दै आएका समस्या समाधान गर्न स्थानीय तहले आग्रसरता देखाउनुपर्नेमा जोड दिएका छन् । जनकपुरधाममा सम्पन्न सुरक्षित आप्रवासन सामी कार्यक्रमको सेवा प्रवाहसम्बन्धी परार्मशमा धारणा राख्दै मन्त्री रायले जनताको सबै भन्दा नजिकको सरकार स्थानीय सरकार भएकाले वैदेशिक रोगगारमा जानेहरूको समस्या समाधानमा स्थानीय तहले नै सक्रियकताका साथ भूमिका निर्वाह गर्नुपर्ने बताए ।  मन्त्री रायले सुरक्षित आप्रवास सुनिश्चि गर्न प्रदेश सरकार प्रतिबद्ध रहेको भन्दै वैदेशिक रोजगारीमा जाने श्रमिकका लागि प्रभावकारी नीति बनाउन आवश्यक रहेको बताए ।  सुरक्षित आप्रवासनको क्षेत्रमा सामी कार्यक्रम वर्षौं देखि सञ्चालन हुँदै आएको छ । उक्त कार्यक्रममा सुरक्षित वैदेशिक रोजगारीसम्बन्धी सचेतना अभिवृद्धि, श्रमिकको अधिकार संरक्षण तथा नीति निर्माणका विषयमा सामी कार्यक्रमले गरेको सेवा प्रवाहका विषयमा परार्मश भएको छ । कार्यक्रममा सहभागीहरूले सुरक्षित आप्रवास प्रवद्र्धन गर्न सबै तहका सरकार तथा सरोकारवालाबीच सहकार्य आवश्यक रहेको औंल्याए । कार्यक्रममा श्रम तथा यातायात मन्त्रालयका प्रवक्ता रञ्जितकुमार यादव, सामी कार्यक्रमका देवनारायण मण्डल, सौरभ कर्ण, रञ्जित झाका साथै सरोकारवाला निकायका प्रतिनिधि, तथा आप्रवासी श्रमिकका परिवारहरू उपस्थित रहेका थिए ।