ब्लु ब्वाइज युनियनद्वारा अन्तर्राष्ट्रिय टोपी दिवसको अवसरमा शुभकामना आदान प्रदान कार्यक्रम सम्पन्न

ओसाका, जापान । अङ्रेजी नयाँ वर्ष २०२५ तथा अन्तर्राष्ट्रिय टोपी दिवसको अवसरमा  ब्लु ब्वाइज युनियनद्वारा शुभकामना आदानप्रदान तथा चियापान कार्यक्रम  र नयाँ सदस्यहरुलाई स्वागत र प्रमाणपत्र वितरण कार्यक्रम सम्पन भएको छ।

अध्यक्ष बासुदेव लामिछानेको अध्यक्षतामा सम्पन्न भएको उक्त कार्यक्रममा संस्थाका उपाध्यक्ष रामकुमार पाण्डेयले शुभकामना मन्तव्य व्यक्त गर्नु भएको थियो।

साथै कार्यक्रममा सदस्य मोहन कुवरले टोपी दिवसको अवसरमा नेपाली टोपीको इतिहास र महत्त्व बारे जानाकारी गराउनु भएको थियो भने सदस्य राम कृष्ण केसीले नयाँ सदस्यहरुलाई संस्थाको बारेमा प्रकाश पार्दै आगामी दिनमा गर्ने कार्ययोजनाको बारेमा प्रष्ट्याउनु भएको सचिव प्रदीपराज खड्काले जानाकारी दिनुभएको छ। 

हामी देशविदेश जहाँ रहे पनि हाम्रा ऐतिहासिक,सामाजिक ,सांस्कृतिक र धार्मिक महत्त्व बोकेका मौलिक चाडपर्व तथा रितिरिवाजहरुलाई बचाई राख्नु र जगेर्ना गर्नु हामी सबैको साझा दायित्त्व भएको र पछिल्लो समय परदेशमा पनि बढ्दो रुपमा हुर्कदै गरेका बालबालिकाहरुको संख्यासँगै उनिहरुलाई पनि हाम्रो संस्कृति तथा चाडपर्वहरुप्रति परिचित बनाउनु पनि हामि सबैको जिम्मेवारी भएको तथा आगामी दिनमा पनि संस्थाले निरन्तरता दिदैँ अघि बढ्ने पनि सचिव खड्काले जानाकारी दिनुभयो।