images

प्रधानमन्त्री बालेनको भ्रमण टोलीमा सहभागी हुँदै महासंघ अध्यक्ष पाण्डे भारत प्रस्थान

मंसिर ०६, काठमाडौं । सम्माननीय प्रधानमन्त्री श्री बालेन्द्र शाहज्यूको भारत भ्रमण टोलीमा सहभागी हुँदै नेपाल निर्माण व्यवसायी महासंघका अध्यक्ष श्री निकोलस पाण्डेज्यू आइतवार भारत प्रस्थान गर्नु भएको छ । महासंघ अध्यक्ष पाण्डेज्यूलाई त्रिभुवन अन्तर्राष्ट्रिय विमानस्थलमा महासंघका वरिष्ठ उपाध्यक्ष श्री रामजी पन्त ‘मुकेश’ ज्यू सहितका पदाधिकारीज्यू एवं कार्य समिति सदस्यज्यूहरू, एवं महासंघ सचिवालयका कर्मचारीहरूले बिदाई गर्नु भएको थियो । भारतीय अधिकारीहरूसँगको भेटमा महासंघ अध्यक्ष पाण्डेले नेपालमा पूर्वाधार मैत्री ऐन कानून निर्माण भएको अवगत गराउँदै पूर्वाधार क्षेत्रमा लगानी गर्न अनुरोध गर्नुहुनेछ । अध्यक्ष पाण्डेले मंसिरको तेस्रो साता (२३ र २४) काठमाडौंमा पूर्वाधार विकास मन्त्रालय, नेपाल निर्माण व्यवसायी महासंघ र नेपाल उद्योग परिसंघको संयुक्त आयोजनामा हुन लागेको नेपाल पूर्वाधार सम्मेलनको महत्वबारे समेत भारतीय अधिकारीहरूलाई जानकारी गराउनुहुनेछ ।

आइतबार​ ७ मंसिर २०८३ ०४:२० PM मा प्रकाशित

प्रतिक्रिया